Аргентина терма жамоасининг собиқ ҳужумчиси Габриэль Батистута жаҳон чемпионатларида унинг рекордини такрорлаган Лионель Месси ҳақида фикр билдирди. Ҳар икки форвардда ҳам жаҳон чемпионатида ўнтадан гол бор.
“Лионель, табриклайман. Рекорд 20 йил давомида менга тегишли эди ва мен ундан завқ олдим. Буни сен билан баҳам кўриш мен учун катта завқ ва ғурурдир. Умид қиламанки, кейинги ўйинда рекордни янгилай оласан", — деб пост қолдирди Батистута ижтимоий тармоқда.
ЖЧ-2022 ярим финалида Аргентина терма жамоаси Хорватия терма жамоаси билан учрашади. Жанг 14 декабр, чоршанба куни, Тошкент вақти билан соат 00:00да бошланади.
