Мадриднинг “Реал” клуби ва Бразилия терма жамоаси футболчиси Родриго терма жамоасининг жаҳон чемпионатидаги омадсизлиги учун ижтимоий тармоқ орқали узр сўради. "Пентакампеонлар" жаҳон чемпионатининг ярим финалига чиқа олишмади.
"Узр сўрайман. Шубҳасиз, фаолиятимдаги энг оғриқли лаҳза, мен бир неча дақиқада жаннатдан дўзахга ўтдим, бу айнан шундай эди. Мен ҳар доим буни бошдан кечирмаслигим учун ибодат қилганман.
Биламан, ҳамма нарса ўтади ва ҳозирда кўтарилиш учун кучим йўқ бўлса ҳам, мен қайтишимга аминман, қандай қилиб билмайман, лекин мен қайтаман ва анча кучлироқ бўламан...
Бизни қўллаб-қувватлаган ва ишонган барчага раҳмат. Ишончим комилки, 2026 йилда ҳаммаси бошқача бўлади, мен бунга ишонишда давом этаман. Бизда иқтидорли авлод бор", — деб ёзди Родриго.
Эслатиб ўтамиз, жаҳон чемпионатининг чорак финалида Бразилия Хорватияга пенальтилар сериясида мағлуб бўлди.
