Madridning “Real” klubi va Braziliya terma jamoasi futbolchisi Rodrigo terma jamoasining jahon chempionatidagi omadsizligi uchun ijtimoiy tarmoq orqali uzr so‘radi. "Pentakampeonlar" jahon chempionatining yarim finaliga chiqa olishmadi.
"Uzr so‘rayman. Shubhasiz, faoliyatimdagi eng og‘riqli lahza, men bir necha daqiqada jannatdan do‘zaxga o‘tdim, bu aynan shunday edi. Men har doim buni boshdan kechirmasligim uchun ibodat qilganman.
Bilaman, hamma narsa o‘tadi va hozirda ko‘tarilish uchun kuchim yo‘q bo‘lsa ham, men qaytishimga aminman, qanday qilib bilmayman, lekin men qaytaman va ancha kuchliroq bo‘laman...
Bizni qo‘llab-quvvatlagan va ishongan barchaga rahmat. Ishonchim komilki, 2026 yilda hammasi boshqacha bo‘ladi, men bunga ishonishda davom etaman. Bizda iqtidorli avlod bor", — deb yozdi Rodrigo.
Eslatib o‘tamiz, jahon chempionatining chorak finalida Braziliya Xorvatiyaga penaltilar seriyasida mag‘lub bo‘ldi.
