"Интер" ярим ҳимоячиси Хоқон Чалханоглу Криштиану Роналду ҳақида гапирди. Сўнгги ойларда португалиялик мунтазам равишда танқидларга учради ва Португалия терма жамоаси сафида жаҳон чемпионатидан чиқиб кетди.
“Криштиану тарихдаги энг буюк спортчилардан бири эканлиги ҳақидаги ҳақиқатни ҳеч ким ўзгартира олмайди. Уни доимо ҳурмат қилиш керак. 16-17 йил чўққида бўлиш кўп нарсани қурбон қилиш демакдир”, — деб ёзди Чалханоглу ижтимоий тармоқда.
Эслатиб ўтамиз, шанба куни Португалия терма жамоаси жаҳон чемпионати чорак финалида кутилмаганда Марокашга мағлуб бўлганди (0:1).
