Ҳуқуқлари "Ливерпул"га тегишли бўлган бразилиялик ҳужумчи Роберто Фирмино Англия премьер-лигасини тарк этиши мумкин. Daily Mail хабарига кўра, 31 ёшли жанубий америкалик футболчи фаолиятини Саудия Арабистонида давом эттириш имкониятига эга. Криштиану Роналдуга қизиқиш билдираётган "Ан-Наср" Робертони ўз сафига қўшиб олмоқчи.
Фирминонинг мерсисайдликлар билан амалдаги шартномаси келаси йилнинг ўрталарига қадар мўлжалланган. Куни кеча “қизиллар” унга янги шартнома таклиф қилишга тайёр экани хабар қилинганди.
Англия Премьер-лигасининг жорий мавсумида ҳужумчи 13 та ўйин ўтказиб, 7 та гол ва 3 та голли узатмани амалга оширган.
