Лондонда давом этаётган Олимпиада мусобақаларида футбол бўйича аёллар терма жамоалари ярим финалда иштирок этадиган тўртликни аниқлаб олишди.

Чорак финалнинг энг кутилмаган натижаси сўзсиз Бразилия терма жамоасининг япониялик қизларга имкониятни бой бериши бўлди. Ҳеч ким учун кутилмаган осиёликлар ишончли тарзда, 2:0 ҳисобида ғалаба қозониб ярим финал йўлланмасини қўлга киритишди.

Ярим финалда қитъадошларимизга Франция терма жамоаси рақиблик қилади.Французлар чорак финалда яна бир кучли рақиб Швеция терма жамоаси қизларини 2:1 ҳисобида мағлубиятга учратишди.

Иккини ярим финал жуфтлигини эса Янги Зеландияни мағлуб этган АҚШ ва мезбонлардан устун келган Канада терма жамоалари ташкил қилишади.

ФУТБОЛ
Аёллар
1/4 финал

Швеция – Франция 1:2 (1:2)
Голлар: Фишер (18 ) – Жорж (29), Ренар (39).

АҚШ – Янги Зеландия 2:0 (1:0)
Голлар: Уомбак (27), Леру (87).

Бразилия – Япония 0:2 (0:1)
Голлар: Огими (27), Оно (73).

Буюк Британия – Канада 0:2 (0:2)
Голлар: Филиньо (12), Синклэйр (25).