"Манчестер Юнайтед" бош мураббийи Эрик тен Хаг клуб дарвозабон Давид Де Хеа, ҳимоячи Диогу Далот ва ҳужумчи Маркус Рэшфорд билан шартномаларни узайтирмоқчи эканлигини айтди. Бу футболчиларнинг барчасининг шартномалари келаси ёзда тугайди.

“Биз улар билан шартномани узайтириш бўйича музокаралар олиб бормоқдамиз. Биз вазиятни назорат қиламиз, чунки биз шартномаларни бир йилга автоматик равишда узайтириш ҳуқуқига эгамиз. Клуб ушбу вариантни фаоллаштиришни кўриб чиқади", - дея тен Хагдан иқтибос келтирган журналист Фабрицио Романо ўз твитида.