"Барселона" ярим ҳимоячиси Серхио Бускетс шу мавсум охирида тугайдиган шартномасини узайтириши мумкин.

Mundo Deportivo нашри хабарига кўра, ярим ҳимоячи раҳбариятдан келажаги борасида бир қарорга келиш учун бир неча кун ўйлаб кўришларини сўраган.

Манбанинг хабарига кўра, Бускетс аввалроқ клубни мавсум якунида тарк этишни ва фаолиятини МЛСда давом эттиришни истаётгани ҳақида маълум қилган. Бироқ, сўнгги пайтларда Серхио қолиш ва "кўк-анорранглилар" билан шартномани узайтириш ҳақида ўйламоқда.

Эслатиб ўтамиз, 34 ёшли Бускетс "Барселона"нинг энг кўп маош олувчи футболчиларидан бири бўлиб, раҳбарият ундан маошини камайтиришни сўрамоқда.