"Эвертон"нинг венесуэлалик ҳужумчиси Саломон Рондон кейинги трансфер ойнасида жамоани тарк этиши мумкин, деб хабар беради The Sun нашри.
Қайд этилишича, 33 ёшли футболчи бош мураббий Фрэнк Лэмпарднинг режаларига киритилмаган, у уни ёшлар жамоаси билан машғулотларга юбориши мумкин.
Рондон "Эвертон" жамоасининг сўнгги бир неча ўйинларида қайдномага киритилмади. Жорий мавсумда "ирислар" сафида ҳужумчи бор-йўғи 8та ўйинда майдонга тушди.













