Франк Кессье "Барселона"нинг умумий гуруҳига қайтди.
"Барселона"нинг душанба куни эрталабки машғулотида ноябрь ойи бошида жароҳат олган Кессье қолган футболчилар билан бирга машқ қилди. У жароҳатидан тўлиқ фориғ бўлди ва танаффусдан сўнг майдонга тушишга тайёр бўлади.
ЖЧ-2022да ўйнаган футболчилар кейинроқ жамоага қўшилишади. Шу тариқа, Андреас Кристенсен чоршанба куни машғулотларга қайтади, Марк-Андре тер Штеген ҳафта охирида, кейинги ҳафтадан эса Испания терма жамоаси футболчилари сафга қўшилади.
“Барселона” танаффусдан кейинги илк ўйинини 31 декабрь куни “Эспаньол”га қарши ўтказади.
