Бразилиялик собиқ ҳужумчи Роналдо Аргентина терма жамоасининг Қатарда бўлиб ўтаётган 2022 йилги жаҳон чемпионатида ғалаба қозониш имкониятларини баҳолади.
"Жаҳон чемпионатини майдондаги ўйини билан бунга лойиқ бўлган киши ютади. Аргентина унчалик яхши ўйнамайди, лекин уларда иштиёқ жуда кўп, улар кўп югуришади, юракдан ўйнашади... Ва уларда вазиятларни ҳал қиладиган Месси бор.
Аргентина жаҳон чемпиони бўлиши мумкинми? Ростини айтаман. Аргентина ғалаба қозонади деб айта олмайман, бу ёлғон бўлади", - деди Роналдо Marca билан суҳбатда.
Аргентина терма жамоаси Польша ва Нидерландияни мағлуб этиб, Қатарда бўлиб ўтаётган жаҳон чемпионатининг ярим финалига йўлланмани қўлга киритди. Ярим финалда аргентиналиклар Хорватия термаси билан тўқнаш келишади, ўйин 14 декабрь куни Тошкент вақти билан соат 00:00да бошланади.
