Роналдо Килиан Мбаппенинг ўйинини юқори баҳолади.
"Мбаппе жуда яхши. У қатъиятли, ақл бовар қилмайдиган жисмоний ва техник фазилатларга эга, мен ҳатто у дунёнинг энг яхши футболчисига айланишига ишонаман. Бошқа ўйинчилар тезкор, лекин у улардан ҳам тезроқ...
У ўйнаганида менинг футболчилик пайтимни бироз эслатиб юборади. У ўз маҳоратини пас бериш ёки гол уриш учун қандай ишлатишни ва бошқалардан тезроқ бўлишни билади", - деди бразилиялик собиқ футболчи.
Айни дамда Килиан Мбаппе ЖЧ-2022нинг энг яхши тўпурари ва "гол+пас" тизимида тўпланган очколар бўйича етакчи ҳисобланади. Ҳужумчи ҳисобида 5 та гол ва 2 та голли узатма бор.
