Аргентиналик собиқ футболчи Николас Бурдиссо Аргентина терма жамоасининг ЖЧ-2022даги муваффақиятига Лионель Мессининг ҳиссаси ҳақида гапирди.
Лионел Скалони жамоаси Қатарда бўлиб ўтаётган жаҳон чемпионатининг нимчорак финалига асосан 35 ёшли сардорнинг ўйини эвазига етиб келди, у тўртта гол урди ва сафдошларига икки марта ассистентлик қилди.
“Месси етакчи сифатида ажойиб иш қиляпти. У нафақат одатдагидек юқори ўйин кўрсатади, балки жамоани ҳам бошқаради. У етакчилик фазилатлари бўйича янада мукаммал бўлди ва жорий Жаҳон чемпионати унинг учун ҳам ўйин, ҳам руҳий нуқтаи назардан энг яхшисидир", - деди Бурдиссо, ТМW нашрига.
