Франция терма жамоаси ҳужумчиси Килиан Мбаппе Португалия терма жамоаси ҳужумчиси Криштиану Роналду Қатарда бўлиб ўтаётган ЖЧ-2022ни тарк этганидан кейин, уни қўллаб-қувватлади.
Шанба куни Қатарда бўлиб ўтган жаҳон чемпионати чорак финалида Португалия терма жамоаси Марокашга 0:1 ҳисобида мағлуб бўлди. Ўйиндан сўнг Роналду ижтимоий тармоқда энг йирик халқаро турнирда ғалаба қозониш унинг ҳаётидаги энг катта орзуси эканлигини ёзганди.
Мбаппе Роналдунинг ушбу постига тож, дуо ва эчки эможисини қўйиб жавоб берди (GOAT - барча даврларнинг энг яхши футболчиси).
Франция терма жамоаси ЖЧ-2022 ярим финалида Марокаш билан куч синашади. Финалга яна бир йўлланма учун Аргентина ва Хорватия жамоалари кураш олиб боради.
