ЖЧ-2022 чорак финалида Нидерландияга қарши ўйиндан сўнг Аргентина терма жамоаси ҳужумчиси Лионель Мессидан интервью олган ESPN журналисти Эстебан Эдул нидерландиялик футболчи Вут Вегхорст билан можароси тафсилотларини ошкор қилди.
"Учрашувдан кейин фақат Месси эмас, ҳамма захира ўриндиғидагилар баҳслашди. Ван Дейк Отаменди билан нимадир ҳақида баҳслашаётган эди. Мессининг ғазабига асосан нидерландликларнинг пенальтилар сериясида аргентиналикларга босим ўтказмоқчи бўлгани сабаб бўлган.
Вегхорст туннелда Мессини кутаётган эди, унга яқинлашиб, унинг футболкасини сўради. Лео жаҳли чиқди. Вегхорст тушунмади, тўхтади ва Месси интервью бошланишидан олдин уни ҳақоратлай бошлади.
Месси интервью давомида менга деярли эътибор бермади: у шунчалик жаҳли чиқдики, менга қарамади ва саволларимга қулоқ солмади. Мен ундан Молинанинг ассистентлиги, ван Гал билан учрашув ҳақида сўрадим, лекин у бу ҳақда ҳеч нарса демади. Мен уни жавоб беришга мажбур қила олмадим.
Қайсидир пайт, эфирга чиққанимизда, мен унга: “Тинчлан, Лео, ФИФАда одамлар кўп, нима бўлиши мумкинлигини ҳеч қачон билмайсан” - дедим" - деди Эдул.
Аргентина терма жамоаси Нидерландияни пенальтилар сериясида мағлуб этиб, ЖЧ-2022 ярим финалига йўл олди.
