"Манчестер Сити" "Лейпциг" ва Хорватия терма жамоаси ҳимоячиси Йошко Гвардиолни сотиб олишга жиддий киришмоқда.
Footmercato хабарига кўра, "шаҳарликлар" немис клубига 20 ёшли хорватиялик учун бонуслар билан бирга 110 миллион евро таклиф қилган. “Лейпциг” футболчининг кейинги трансферидан 20 фоиз ҳам олиши мумкин.
Малумотларга кўра, "шаҳарликлар" бош мураббийи Пеп Гвардиола футболчи билан шахсан алоқага чиққан.
Гвардиол 2021 йилдан бери “Лейпциг” сафида тўп суради. Унинг клуб билан амалдаги шартномаси 2027 йилгача мўлжалланган. Transfermarkt портали футболчининг нархини 60 миллион еврога баҳоламоқда.
Гвардиол жорий мавсумда барча турнирларда 19 та ўйинда майдонга тушиб, битта гол урган.