Аргентина терма жамоаси ярим ҳимоячиси Родриго Де Пауль Хорватия устидан қозонилган ғалаба (3:0) ва жаҳон чемпионати финалига чиқиш ҳақида фикр билдирди.
“Ҳалигача ишонмаяпман. Финалга чиқиш учун кўп меҳнат қилдик. Менимча, биз буларнинг барчасига лойиқмиз. Бу жамоа нимага қодирлигини кўрсатди.
Мухлисларга қўллаб-қувватлаганингиз учун раҳмат. Умид қиламанки, бутун мамлакат бу лаҳзадан завқланмоқда, биз буни шу ердан ҳис қилишимиз мумкин", - дея Де Пауль сўзларидан иқтибос келтирди Аргентина терма жамоаси матбуот хизмати.
