Бразилия терма жамоаси Тите билан хайрлашгач, бош мураббийсиз қолди, энди эса маҳаллий футбол федерацияси унинг ўрнига янги мураббий қидирмоқда. Гарчи жамоатчилик асосан маҳаллий мутахассисни хоҳлаётган бўлса-да, номзодлар орасида хорижий вариантлар ҳам пайдо бўлмоқда.

Жумладан, Ok Diario нашрига кўра, терма жамоани бошқариши мумкин бўлган номзодлардан бири "Реал"нинг собиқ устози Зинедин Зидан.

Қизиғи шундаки, айнан у 1998 йилда "Сен-Дени"да бўлиб ўтган афсонавий финалда Бразилия дарвозасига боши билан иккита гол уриб, Франция терма жамоасига йирик ғалаба ва биринчи жаҳон чемпионлигини келтирганди.