Аргентина терма жамоаси Қатардаги жаҳон чемпионатининг илк финалчисига айланди, ярим финалда Лионель Скалони шогирдлари Хорватия терма жамоасини ортда қолдириб, Доминик Ливакович дарвозасига жавобсиз учта гол киритди. Аргентина терма жамоаси ҳимоячиси Кристиан Ромеро бўлиб ўтган воқеанинг маъносини тушуниш ҳали ҳам қийин эканини тан олди.

"Биз финалдамиз ва мен ҳали нима бўлганини тушунмаяпман. Аммо биз яна бир қадам ташлашимиз керак. Биз хорватлар устидан ҳақли равишда ғалаба қозондик. Биз нима қилишимиз кераклигини билардик ва шундай қилдик", - деди Ромеро Аргентина терма жамоаси матбуот хизматига.