Мюнхеннинг "Бавария" клуби дарвозабони Мануэль Нойер жаҳон чемпионатидаги муваффақиятсизликдан сўнг дам олишда чанғи учишга қарор қилди, бироқ бу муваффақиятсизлик билан якунланди. Афсонавий Лотар Маттеус Нойернинг бу хатти-ҳаракатларини масъулиятсизлик деб ҳисоблайди.
"Мен тушунаман, футболчи дам олишни, чанғи учишни хоҳлайди, бу таътил. Ва мен буни яхши кўраман. Аммо Нойер фаол спортчи. У бундай таваккал қила олмайди. Унинг қилган иши худди ёзги шиналар билан қорли йўлда машина ҳайдашга ўхшарди", - деди Маттеус Goal билан суҳбатда.
