Франция терма жамоаси футболчилари Адриен Рабьо ва Дайо Упамекано Марокашга қарши жаҳон чемпионати ярим финал учрашувида иштирок этишади. Бу ҳақда журналист Фабрис Хокинс ижтимоий тармоқларда маълум қилди.

Эслатиб ўтамиз, аввалроқ Рабьо ва Упамекано Франция терма жамоасининг кечаги машғулотларини шамоллаш туфайли ўтказиб юборган эди. Марокаш билан ўйинда футболчиларнинг иштироки масаласи ноаниқлигича қолди, бироқ манбага кўра, Адриен ва Дайо жаҳон чемпионатининг ярим финалида ўз жамоасига ёрдам бериши керак.

Ушбу мундиалда Рабьо гол урди ва голли узатма берди. Упамеканога келадиган бўлсак, ҳимоячи ҳали гол урмаган.