Камерун терма жамоасининг собиқ бош мураббийи Валерий Непомнящий Франция ва Марокаш терма жамоалари ўртасида Қатарда бўлиб ўтадиган ЖЧ-2022 ярим финал учрашуви ҳақида фикр билдирди.

“Франция – Марокаш ярим финал зерикарли эканига қўшилмайман. Марокашликлар шунчаки осмондан тушиб қолмади - улар шундай босқичга муносиб тарзда етиб келишди", - дея Непомнящийнинг сўзларини келтиради Championat.com

Мутахассис Аргентина терма жамоасининг 1990 йилда Италияда бўлиб ўтган жаҳон чемпионати финалигача бўлган йўлини эслади, унда жанубий америкаликлар Германия терма жамоаси билан тўқнаш келишган ва мутахассиснинг фикрича, олдинги ўйинлари ҳеч кимни ҳаяжонлантирмаган бўлсада, жуда муносиб савияда ўйнаган.