Аргентина терма жамоаси бош мураббийи Лионель Скалони аргентиналиклар Мессини фақат ватандоши бўлгани учун энг зўр деб билиши керакмаслигини айтди.
«Баъзида биз Мессини аргентиналик бўлгани учунгина тарихдаги энг зўри деб атаётгандекмиз. У энг зўри, шубҳасиз. Бироқ Месси фақат аргентиналик бўлгани учунгина ҳурмат қилинмайди.
У ҳар сафар ўйнаганида нимадир янги нарса яратади. Унинг кўк ва оқ либосини кийиши - бу шараф», - дейди мураббий.
ЖЧ-2022да 35 ёшли аргентиналик футболчи 6 та ўйинда қатнашиб, бешта гол урди ва учта голли узатмани амалга оширди.
