Лондон олимпиадасининг теннис мусобақалари бугун расман ўз ниҳоясига етади. Кеча аёллар ўртасидаги яккалик баҳслар ўз ниҳоясига етди. Серена Уильямс ҳамда Мария Шарапова ўртасидаги финал баҳси эса жуда кўпчилик теннис ишқибозларида катта қизиқиш уйғотгани табиий.
Теннис оламининг энг кўзга кўринган икки вакиласи ўртасидаги баҳс эса кутилмаганда битта теннисчининг жуда катта устунлигида ўтди.
Мария Шарапова ушбу баҳсда рақибасига айтарли қаршилик кўрсата олмаганини кутилмаган ҳол бўлди дейиш мумкин.
Серена Уильямс ҳақиқий чемпионларга ҳос ўйин кўрсатди ва Россиялик теннисчини 6:0 6:1 ҳисобида ер тишлатди.
Шундай қилиб Серена Уильямс "Олтин Шлем" (Катта шлем туркумидаги тўртта мусобақа ҳамда Олимпиада чемпионлиги) дея аталадиган совриннинг соҳибасига айланган кам сонли теннисчилар қаторидан ўрин олди.
