"Манчестер Сити" бош мураббийи Хосеп Гвардиола "Ривер Плейт"нинг 22 ёшли собиқ ҳужумчиси Хулиан Альваресни жамоасига қўшиб олишни режалаштирмаган. Испаниялик мутахассис бу трансферни фақат ҳужумчи Ферран Торрес "Барселона"га ўтганидан кейингина маъқуллади. Бу ҳақда Sport.es нашри хабар бермоқда.
Алварес 2022 йилнинг январида "шаҳарликлар" билан 21,4 миллион евро эвазига шартнома имзолаган, аммо мавсумнинг қолган қисмини "Ривер Плейт"да ўтказган. Торреснинг "Барселона"га сотилиши 55 млн еврога амалга ошди.
Маълумот учун, Альварес жорий мавсум “Манчестер Сити” сафида 20 та ўйинда майдонга тушиб, 7 та гол урди ва 2 та голли узатмани амалга оширди.
