Мадриднинг "Реал" клуби етакчиси Криштиану Роналду клуб билан шартномасини узайтирмаслиги мумкин. Бу ҳақда испан нашрлари хабар тарқатган.
Гап шундаки, бир қатор Европа клублари Роналду билан катта маош эвазига шартнома имзолашни кўзлаб туришибди. Унга жаҳоннинг энг кўп маош оладиган футболчиси бўлишни таклиф этаётганлар ҳам йўқ эмас.
Бундан хабар топган "Қироллик клуби" раҳбарияти ҳаракатга тушиб қолишган. Айни пайтда клуб президенти Флорентино Перес жамоа билан бирга АҚШда бўлиб турибди ва футболчи билан гаплашишга ҳам улгурган. Томонлар ҳозирча бир қарорга келишмаган.
Эслатиб ўтамиз, Роналдунинг "Реал" билан тузган шартномаси 2016 йилга қадар давом этади, бироқ клуб уни ҳозирдан узайтиришни истамоқда.
