“Ювентус” ва Аргентина терма жамоаси ярим ҳимоячиси Анхел ди Мария қишки трансферлар вақтида Италия клубини тарк этиши мумкин, деб хабар беради Tuttosport.
Манбага кўра, 34 ёшли футболчига МЛС ва Аргентина клубларидан таклифлар бор. Ди Мариянинг "кекса синьора" билан амалдаги шартномаси келаси йилнинг ёзига қадар мўлжалланган.
Эслатиб ўтамиз, ди Мария ўтган ёзда Франциянинг "ПСЖ" клубидан "Ювентус"га ўтган эди. Жорий мавсумда ярим ҳимоячи туринликлар сафида 10та ўйин ўтказиб, битта гол ва тўртта голли узатмага муаллифлик қилган.