"Манчестер Юнайтед" ва "Атлетико" 30 ёшли ҳужумчи Альваро Моратанинг эҳтимолий трансфери ҳақида музокара ўтказишмаяпти, дея хабар бермоқда Фабрицио Романо.

Аввалроқ "манкунианликлар" раҳбарияти Моратани ноябрь ойида шартномаси бекор қилинган Криштиану Роналдунинг ўрнига номзодлардан бири сифатида кўраётгани ҳақида хабар берилганди. Шунингдек, “қизил иблислар” рўйхатидан “Бенфика” футболчиси Гонсало Рамуш ва ПСВ футболчиси Коди Гакпо ҳам бор.

Моратанинг "матрасчилар" билан амалдаги шартномаси 2024 йилнинг ёзига қадар мўлжалланган. Transfermarkt портали Испания терма жамоаси футболчисини 25 миллион еврога баҳолади.

Ҳужумчи жорий мавсумда “Атлетико” сафида 19 та ўйинда майдонга тушиб, 5 та гол урди ва битта голли узатмани амалга оширди.