"Реал" ярим ҳимоячиси Тони Кроос 2017/18 йилги мавсумда "қироллик клуби"да бирга ўйнаган ҳимоячи Ашраф Ҳакимийнинг савиясини юқори баҳолади.
"Ашраф Ҳакимий? Менимча, у ажойиб футболчи. Биз бир йил бирга ўйнадик. Машғулотларда кўрдимки, у яхши ҳужумкор ҳимоячи ва тезлиги ҳам юқори эди. Мен дарҳол Ҳакимийнинг ўзгача эканлигини англагандим", - деди Кроос Real Total билан суҳбатда.
Аввалроқ, Ҳакимий "Реал"га қайтиш учун маошини камайтиришга тайёрлиги ҳақида хабарлар тарқалган эди. Айни дамда ҳимоячи Франциянинг "ПСЖ" жамоасида ўйнамойда. Кеча Ашраф ўйнаётган Марокаш терма жамоаси ярим финал босқичида Францияга имкониятни бой бериб, финалга чиқа олмади.
