"Навбаҳор"нинг собиқ бош мураббийи Андрей Канчельскис Аргентина ва Франция терма жамоалари ўртасидаги жаҳон чемпионати финалидан нима кутаётганини айтди.
Мутахассиснинг фикрича, Жанубий Америка терма жамоаси ғалабани турнирнинг амалдаги ғолибига бериб қўймайди.
“Французлар ўзларини қандай ҳис қилишлари, жисмоний ва руҳий жиҳатдан қандай тикланишлари қизиқ. Францияда имкониятлар бор, аммо аргентиналиклар уларга имконият бермайдилар", - дея Канчелскиснинг сўзларини келтиради Спорт-Экспресс.
Эслатиб ўтамиз, финал йўлида Аргентина Австралия (2:1), Нидерландия (2:2, 4:3 - пен), Хорватия (3:0)ни мағлуб этганди. Французлар Полmша (3:1), Англия (2:1) ва Марокашни (2:0) енгишди.
Турнирнинг энг кучли жамоалари ўртасидаги юзма-юз қарама-қаршилик 18 декабрь куни бўлиб ўтади.
