Франция терма жамоаси ҳужумчиси Антуан Гризманн жаҳон чемпионати финали олдидан Лионель Месси ҳақида гапирди:
«Мессига эга ҳар қандай жамоа алоҳида мавқега эга. Аргентинанинг ушбу жаҳон чемпионатидаги деярли барча ўйинларини кўрдик. Биз уларнинг қандай ўйнашини биламиз. Бундай жамоа билан ҳар доим қийин бўлган, улар ҳозир юқори формада.
Албатта, фақат Лео эмас, барча ўйинчилар кучли. Унинг атрофида кучли жамоа қурилган, шунинг учун биз қийин ўйин бўлишини кутяпмиз. Аргентина мухлислар томонидан қаттиқ қўллаб-қувватланади.
Бироқ ҳали бизда вақт бор, нимага эътибор қаратишимиз кераклиги, уларга қандай зарар етказиши ва қандай ҳимояланишимиз мумкинлигини ҳал қилиб оламиз», — дейди Гризманн.
