ФИФА Аргентина ва Франция терма жамоалари ўртасидаги жаҳон чемпионати финал ўйинига ҳакам тайинлади. Уни польшалик Шимон Марциняк бригадаси бошқариб боради.

Жаҳон чемпионатида Шимон Марциняк иккита учрашувда ишлади. У гуруҳ босқичидаги Франция - Дания (2:1) ҳамда 1/8 финал доирасидаги Аргентина - Австралия (2:1) учрашувларини бошқарган. 

Испаниялик Антонио Матеу Лаос жаҳон чемпионати финалида ишлаш учун фаворит ҳисобланган эди, бироқ у Аргентина – Нидерландия учрашувида ёмон баҳо олди.

18 декабрь, якшанба куни жаҳон чемпионати финали бўлиб ўтади.