Марокашлик ярим ҳимоячи Софьян Амрабат Францияга қарши ўйиндан сўнг “уч ранглилар” ҳужумчиси Оливье Жиру ҳақида гапирди.

"Уларнинг ҳужумчиси Оливье Жиру бутун майдон бўйлаб мени кузатиб борди. Мен унга айтдим: "Бас қил!". У бутун ўйин давомида менга қарши ҳаракат қилиш ниятида эканлигини айтди", - деди Амрабат.

"Биз кўпроқ нарсага эриша олмаганимиздан жуда хафамиз. Биринчи дақиқаларданоқ Франция бизга ташаббусни берди. Менимча, буни илтифот сифатида қабул қилиш мумкин. Афсуски, бундай аҳмоқона ўтказиб юборилган голдан кейин қийин бўлди", - деди футболчи Goal билан суҳбатда.