Португалия терма жамоаси футболчиси Бернарду Силва терма жамоа мураббийлигидан кетганидан кейин Фернанду Сантушга миннатдорчилик билдирди.
“Мураббийимизга катта раҳмат. Қарийб саккиз йил аввал мени терма жамоамизга олиб келган мураббий. Тарихимиздаги ягона совринларни қўлга киритган мураббий. Кўп қувончли ва озгина қайғули лаҳзалар, лекин энг муҳими, Португалия футболи тарихида абадий қоладиган буюк инсон билан ишлаш мен учун бахт эди”, - деб ёзди “Манчестер Сити” ярим ҳимоячиси ижтимоий тармоқларида.
Португалияликлар Сантуш қўл остида Евро-2016 ва УEФА Миллатлар Лигасининг илк ғолиби бўлган.
