Аргентина терма жамоаси ҳужумчиси Анхель Ди Мария мушакларидаги жароҳатлардан тўлиқ фориғ бўлди ва жамоадошлари билан тўлақонли машғулотларни бошлади. Pazzi di Fanta хабарига кўра, футболчи Франция терма жамоасига қарши жаҳон чемпионати финалида иштирок этиши мумкин бўлади.
Футболчи гуруҳ босқичининг 3-турида Польша (2:0) билан ўйинда жароҳат олган, шундан сўнг Австралия билан 1/8 (2:1) ва Хорватия билан ярим финалда майдонга тушмаган (3:0). Футболчининг дастлабки дақиқалардан майдонга тушиши ёки захирадан ўйинни кучайтириши ҳозирча аниқ эмас.
18 декабрь, якшанба куни Аргентина ва Франция терма жамоалари ўртасидаги жаҳон чемпионати финали бўлиб ўтади. Ҳакамнинг старт ҳуштаги Тошкент вақти билан 20:00 да янграйди.
