Argentina terma jamoasi hujumchisi Anxel Di Mariya mushaklaridagi jarohatlardan to‘liq forig‘ bo‘ldi va jamoadoshlari bilan to‘laqonli mashg‘ulotlarni boshladi. Pazzi di Fanta xabariga ko‘ra, futbolchi Fransiya terma jamoasiga qarshi jahon chempionati finalida ishtirok etishi mumkin bo‘ladi.
Futbolchi guruh bosqichining 3-turida Polsha (2:0) bilan o‘yinda jarohat olgan, shundan so‘ng Avstraliya bilan 1/8 (2:1) va Xorvatiya bilan yarim finalda maydonga tushmagan (3:0). Futbolchining dastlabki daqiqalardan maydonga tushishi yoki zaxiradan o‘yinni kuchaytirishi hozircha aniq emas.
18 dekabr, yakshanba kuni Argentina va Fransiya terma jamoalari o‘rtasidagi jahon chempionati finali bo‘lib o‘tadi. Hakamning start hushtagi Toshkent vaqti bilan 20:00 da yangraydi.
