Украина президенти Владимир Зеленский Қатарда бўлиб ўтётган жаҳон чемпионати финали олдидан стадионда видеомурожаат қилмоқчи бўлган, бироқ Халқаро футбол федерацияси (ФИФА) томонидан рад этилган, деб хабар бермоқда CNN.
Манбага кўра, ФИФА Зеленскийнинг финал ўйини олдидан дунё тинчлиги ҳақидаги хабарни етказиш ҳақидаги илтимосини рад этган.
Зеленскийнинг идораси ФИФАнинг рад жавобидан ҳайратда қолди. "Биз ФИФА ўз платформасидан яхшилик учун фойдаланмоқчи деб ўйлагандик", деди манба.
Шу билан бирга, Украина расмийлари ва ФИФА ўртасида бу борадаги музокаралар давом этмоқда.
Аргентина ва Франция терма жамоалари ЖЧ-2022 финалида майдонга тушади. Ўйин 18 декабрь куни Тошкент вақти билан соат 20:00да бошланади.
