Аргентина терма жамоаси сардори Лионель Месси Қатарда бўлиб ўтаётган ЖЧ-2022 финалидан бир неча кун олдинги Аргентина терма жамоаси машғулотларини ўтказиб юборди.
Манбанинг хабарига кўра, аргентиналик кечаги машғулотда бўлмаган.
Қизиғи шундаки, машғулотларга фақат Хорватия билан ўйинда (3:0) захирадан майдонга тушган ёки умуман майдонга тушмаган футболчилар қатнашди.
Ўша вақтда асосий таркиб футболчилари тренажёр залида машғулотлар олиб боришди. Бироз вақт ўтгач, улар қолган футболчилар олдига чиқишди, аммо Месси у ерда кўринмади.
ОАВ хабарларига кўра, жамоа сардорида соннинг орқа қисмида ноқулайлик бўлиши мумкин. Шу билан бирга, жамоа Лионель 18 декабр куни жаҳон чемпионати финалида Францияга қарши ўйнай олишига ишонч билдирмоқда.
