"ПСЖ"нинг собиқ бош мураббийи Маурисио Почеттино Аргентина терма жамоаси сардори Лионель Мессининг жим юриши ҳақидаги фикрларни рад этди.

"Ҳозирда Месси Аргентинага керак бўлган етакчи ва менимча, у бу йўналишда катта қадам ташлади. Одамлар уни жим юради деб ўйлашади, лекин баъзида сиз ташқаридан кўрган нарсангиз нотўғри. У жуда кучли характерга эга.

У кўп гапирмайди, лекин керак бўлганда гапиради. Ҳозир биз унинг кўпроқ гаплашаётганини кўрмоқдамиз, эҳтимол бу камералар ва технология туфайлидир. Биз ҳақиқий Мессини кўрамиз. У ҳар доим шундай бўлган. Одамлар афсоналарни гапиришни яхши кўрадилар ва биз ҳаммамиз биламизки, футболда улар жуда кўп", - деди Почеттино The Athletic биан суҳбатда.

18 декабрь куни Аргентина терма жамоаси ЖЧ-2022 финал учрашувида Францияга қарши майдонга тушади.