Кеча Украина чемпионатининг 4-тур доирасида "Арсенал" жамоаси ўз майдонида "Днепр"ни қабул қилди. Виталий Денисов днепропетровскликлар сафида асосий таркибда майдонга тушган бўлса, киевликлар бош мураббийи Леонид Кучук Максим Шацкихни захирада олиб қолди. Умуман олганда, Кучук Европа лигаси доирасида "Мура"га қарши ўйиндагига нисбатан 8 нафар янги футболчини майдонга туширди.

Ўйиннинг биринчи бўлимида ҳисоб очилмади. Ўйиннинг 65-дақиқасида эса тўп бурчакдан узатиб берилган пайтда, тўп "Арсенал" ҳимоячиларидан бирининг қўлига тегди ва ҳакам пенальти белгилади. Стандарт вазиятни Матеусга голга айлантирди.

Шундан кейин Кучук майдонга дарҳол икки нафар ҳужумчи — Кобахидзе ва Шацкихни ташлади. Айнан мана шу жуфтлик 90+2-дақиқада ҳисобни тенглаштиришга муваффақ бўлди. Ўзбекистонлик футболчи тўпни жарима майдончаси ичига етказиб берди ва Сандаро Кобахидзе дарвозани ишғол қилди — 1:1.

Бу ўйинда Виталий Денисов 90 дақиқа давомида тўп сурди.