Франция терма жамоаси ҳужумчиси Усмон Дембеле терма жамоа футболчилари Адриен Рабьо ва Дайот Упамеканонинг шамоллаши ҳақида гапирди.
“Упамекано ва Рабьонинг боши оғриди, мен уларга занжабил ва асал қўшиб чой тайёрладим... Улар ҳозир яхши. Ўйлайманки, улар финалга тайёр бўлишади", — дея Дембеле сўзларини келтиради Barca Universal.
Аввалроқ беш нафар франциялик футболчи ЖЧ-2022 финали олдидан машғулотларни ўтказиб юборгани, улардан уч нафари касаллик туфайли машғулотларда иштирок этмагани хабар қилинганди.
15 декабрь куни Рабьо ва Упамекано шамоллашдан сўнг, умумий гуруҳда машғулотларга қайтгани маълум бўлди.
Франция 18 декабрь, якшанба куни ЖЧ-2022 финалида Аргентина билан тўқнаш келади. "Лусаил" стадионидаги ўйин Тошкент вақти билан соат 20.00да бошланади.
