"Барселона" бош мураббийи Тито Виланова "ПСЖ" билан бўлиб ўтган ўртоқлик ўйинида фаол ҳаракат қилган ҳимоячи Карлес Пуйоль ҳақида илиқ гаплар айтди, дея хабар беради француз матбуоти.
"Пуйоль яқинда шуғулланишни бошлади ва керакли жисмоний ҳолатга яқинлашмоқда. Мен уни яхши аҳволда кўрдим. Мессига келсак, унга босқичма-босқич зўриқиш беришни мўлжаллаганмиз. Унинг машғулотни бошлаганига уч ҳафта бўлди. Аммо "ПСЖ" билан ўйинда тўлиқ вақт ўйнашига қўйиб бердик, чунки унинг жисмоний ҳолати яхши эди", - деди Виланова.