"Севилья" дарвозабони Яссин Буну "Бавария"га ўтишга тайёр. Журналист Филипп Кесслернинг сўзларига кўра, марокашлик футболчининг жаҳон чемпионатидаги ўйини “қизил машина”нинг собиқ дарвозабони, эндиликда эса бошқарув кенгаши раиси Оливер Канда катта таассурот қолдирган.
Қолаверса, Буну ўзи ҳам болалигидан Мюнхен жамоасини қўллаб-қувватлайди ва мамнуният билан Германия жамоаси сафига ўтиши мумкин.
Трансферга ҳалигача "Севиля" томонидан талаб қилинган 20 миллион евро тўсқинлик қилмоқда. "Бавария" жароҳат олган Мануел Нойерни фақат қисқа муддатга алмаштириши керак бўлган футболчига бундай пул сарфлашни истамаслиги мумкин.
