Мадриднинг “Реал” клуби ҳужумчиси Карим Бензема Қатардаги жаҳон чемпионати бошланишидан олдин олган жароҳатидан тўлиқ фориғ бўлди. Diario AS хабарига кўра, франциялик ҳужумчи Карло Анчелотти жамоасида Испания чемпионатининг навбатдаги турида 30 декабрь куни бўлиб ўтадиган "Вальядолид"га қарши ўйинда майдонга тушади.
Эслатиб ўтамиз, аввалроқ Бензема Франция терма жамоаси ихтиёрида қолиши ва ЖЧда ⅛ финал босқичидан бошлаб ўйнашни бошлаши мумкинлиги ҳақида хабарлар тарқалган эди. Бироқ Карим турнир бошланишидан олдин уйига жўнаб кетди.
Бензема Аргентинага қарши ўйинда Франция термасини қўллаб-қувватлаш учун жаҳон чемпионатининг финал ўйини учун Қатарга учишдан бош тортди.
