Мюнхенгладбахнинг "Боруссия" клуби ҳужумчиси Маркус Тюрам январ ойидаёқ жамоасини ўзгартириши мумкин.
Франциялик футболчининг шартномаси келаси ёзда тугайди ва клуб раҳбарияти футболчи 6 ойдан кейин эркин агент сифатида кетмаслиги учун январда у билан хайрлашишга тайёр.
Билд хабарига кўра, 25 ёшли ҳужумчини қишда сотиб олмоқчи бўлганлар 12 миллион евро тўлашлари керак. Франция терма жамоаси вакилига асосий даъвогар "Интер" бўлиб, "Бавария" ҳам футболчига анчадан бери кўз тикиб келмоқда.
Маркус Тюрам бу мавсумда Бундеслиганинг 15 ўйинида 10 та гол ва 3 та голли узатмага муаллифлик қилди.
