Аргентина терма жамоаси ҳужумчиси Лаутаро Мартинес Францияга қарши 18 декабрь куни бўлиб ўтадиган жаҳон чемпионати финали олдидан мухлисларга мурожаат қилди.
“Жаҳон чемпионати финалида майдонда Аргентина терма жамоасини ҳимоя қилиб ўйнаш 47 миллион аргентиналикнинг орзуси. Биз узоқ йўлни босиб ўтдик ва бу ерда бўлиш учун жуда кўп меҳнат қилдик. Мен сўнгги бир неча йил ичида эришган ютуқларимиздан жуда фахрланаман. Сизнинг қўллаб-қувватлашингиз билан биз аллақачон муҳим ғалабаларга эришдик, аммо биз бундан ҳам кўпроқ нарсани хоҳлаймиз”, - деб ёзади Мартинес ижтимоий тармоқларда.
Аргентина терма жамоаси тарихда учинчи марта ва 1986 йилдан бери биринчи марта жаҳон чемпионатида ғалаба қозониши мумкин.
