"Эвертон" клуби "Атлетико Мадрид"нинг бразилиялик ҳужумчиси Матеус Куньяга қизиқиш билдирмоқда, дея хабар бермоқда журналист Фабрицио Романо ўзининг Twitter саҳифасида.
Манбанинг хабарига кўра, инглиз клуби қишки трансфер ойнасида футболчини сотиб олиш вариантини кўриб чиқмоқда. Шунингдек, ҳужумчи “Вулверхэмптон” қизиқишлари доирасига кирган.
23 ёшли Кунья жорий мавсумда “Атлетико” сафида барча турнирларда 17 та ўйинда майдонга тушди ва иккита голли узатмани амалга оширди. Унинг клуб билан шартномаси 2026 йилнинг ёзига қадар мўлжалланган.
