"Everton" klubi "Atletiko Madrid"ning braziliyalik hujumchisi Mateus Kunyaga qiziqish bildirmoqda, deya xabar bermoqda jurnalist Fabrisio Romano o‘zining Twitter sahifasida.
Manbaning xabariga ko‘ra, ingliz klubi qishki transfer oynasida futbolchini sotib olish variantini ko‘rib chiqmoqda. Shuningdek, hujumchi “Vulverxempton” qiziqishlari doirasiga kirgan.
23 yoshli Kunya joriy mavsumda “Atletiko” safida barcha turnirlarda 17 ta o‘yinda maydonga tushdi va ikkita golli uzatmani amalga oshirdi. Uning klub bilan shartnomasi 2026 yilning yoziga qadar mo‘ljallangan.