Хорватия терма жамоаси бош мураббийи Златко Далич ярим ҳимоячи Лука Модрич терма жамоадаги фаолиятини якунламоқчи эмаслиги ҳақидаги малумотларга изоҳ берди.

"Баъзилар бу унинг охирги турнири деб ўйлашлари мумкин, аммо ўйлайманки, Лука Модрич узоқ вақт биз билан бирга бўлади. У бизнинг сардоримиз, раҳбаримиз ва ҳамма унга эргашади. У бу турнирда ажойиб ўйнади. У 37 ёшда, лекин 25 ёшли футболчидек ўйнайди. Мен ундан жуда мамнунман, у бу медалга лойиқ”, - дея Далич сўзларидан иқтибос келтиради Daily Mail.

Хорватия терма жамоаси учинчи ўрин учун кечган баҳсда Марокашни мағлуб этди. Учрашув 2:1 ҳисобида якунланди.