Бугун, 18 декабрь куни Қатардаги “Лусаил Айконик” стадионида жаҳон чемпионати финал учрашуви бўлиб ўтади. Жанубий Америка вакили Аргентина терма жамоаси ва Европа вакили Франция терма жамоалари тўқнаш келишади.
Жаҳон чемпионатларининг финал босқичида бундай қарама-қаршилик 11-марта бўлиб ўтади. Бу ҳақда Opta портали хабар бермоқда. Аввалги 10 та ҳолатдан еттитасида Жанубий Америка жамоалари ғалаба қозонган.
Аргентина терма жамоаси саккиз йил ичида иккинчи марта жаҳон чемпионати финалига чиқди. 2014 йилда аргентиналиклар Германияга қўшимча бўлимларда мағлуб бўлишди. Франция амалдаги жаҳон чемпиони ҳисобланади. Россиядаги турнирда французлар Хорватияни мағлуб этишганди.
